芷珊約您丨張敬軒開騷被柴台高EQ應對　軒仔曾陷財困做歌手貪搵錢快

黎芷珊主持的TVB節目《芷珊約您》，在今晚（4月28日）播出第2集的嘉賓是張敬軒（軒仔），芷珊飛到紐約直擊軒仔美國巡唱的最後一站，軒仔於能夠容納1萬9千人的UBS Arena開騷，更是首位於該處開騷的華人歌手，認真威水。

開騷前一天，芷珊去到軒仔下榻的酒店進行突擊檢查，當時穿着浴袍的軒仔匿在房中熨衣服，場面搞笑。

芷珊約您丨阿B當年破產拒絕溫拿好兄弟幫忙　鍾鎮濤：自己嘅事應該自己承擔

▲ 芷珊突擊時，軒仔正在熨衫。

床邊四角擺放濕器

之後，芷珊要求檢查張敬軒的行李，向來搞鬼的軒仔從行李中拿出幾個棒狀物，原來棒狀物是放濕器，他透露睡覺前會將它們放床邊四角放濕以Keep住靚聲。

軒仔還公開強逼症執篋大法，親自示範如何將所有物品剛剛好塞滿整個篋、而且不留「半滴空位」。

▲ 軒仔從行李拿出放濕器。

軒仔談2004年低潮期

為幫軒仔開騷前鬆一鬆，芷珊特別訂了一輛Limo（豪華轎車）孖軒仔去喜雀兒市場閒逛兼食好西，軒仔看到超長的Limo不禁露出O嘴表情，兩人在車上一邊歎香檳一邊傾偈，Chill到爆。

入行廿年的軒仔現在事業一帆風順，芷珊問他曾否遇過經濟困難？軒仔坦言：「10個煲6個蓋囉，特別2004年開始，屋企係有困難，嗰刻係開始覺得我嘅生活同命運已經唔喺自己手上。」

▲ 軒仔與芷珊齊坐Limo。

軒仔亦承認曾為賺錢做過一些自己不喜歡的事情，並感嘆：「點解我會做歌手？因為搵錢搵得快。」軒仔續指年輕時因為等錢使，曾以十萬人仔賣斷收錄了《斷點》的專輯版權，並感嘆：「當年《斷點》據我所知（依家）係過億版稅。」

講到未紅時，曾流連酒吧唱歌賺錢的軒仔，受過不少客人不禮貌對待，軒仔說：「唔需要有原因，一籃花生殼就飛埋嚟！」軒仔指當時雖自覺有點Hurt，但問了自己兩條問題後便決定放下情緒積極處理面對，最終以超高EQ應對危機，並磨練出日後的圓滑性格。

拒做「老海鮮」

去到喜雀兒市場後，兩人Chill住閒逛兼大歎海鮮餐，軒仔更親手餵芷珊吃東西。

兩人吃東西時繼續深入交流；被問到如何勉勵後輩，軒仔即就地取材笑言不想做「老海鮮」：「要保持平和嘅競爭心態，先可以行得更遠。 同埋最緊要係要有自信，其實你係有地位嘅，就算企好遠都好，人哋都會框番你出嚟。」

▲ 軒仔在紐約開騷。

翌日正式開騷日，芷珊又帶觀眾直擊後台重地兼綵排情況。

現場所見軒仔特別認真對待綵排，對所有細節更是一絲不苟，還大拋「愛粉Bite」：「唔可以Hea做，因為你唔會知自己嗰一晚、嗰一首歌對觀眾係有幾咁大嘅意義，所以每個環節都唔可以放過，呢樣係我爸爸教，教我要按章、按時、按量去做好演出。」

HKET App已全面升級，TOPick為大家推出一系列親子、健康、娛樂、港聞及休閒生活資訊及影片。立即下載︰https://onelink.to/f92q4m

追蹤TOPick WhatsApp頻道睇最新資訊︰http://tinyurl.com/3dtnw8f5